القصيدة الوحيدة اللي تهزني

تصدق ولا ما تصدق أنا عاجز عن التفكير
تعال وشوف في عينك غيابك وش عمل فيني

يا غالي ما بقى عندي صبر يتحمل التأخير
رحلت .. وعقبك الدنيا غلاها طاح من عيني

أجاوب اللي يسألني عن أخباري واقول بخير
وأنا لا خير بغيابك ولا حاجه تهنيني

محد يقدر يعوضني .. لأنك في حياتي غير
ومهما شفت أنا الفرحه .. بدونك ما تسليني

وكيف الحال وشلوني .. جواب ما يبي تفسير
بدونك أنت ما تضحك حياتي وترمش سنيني

مثل شاعر عجز يوصف شعوره وخانه التعبير
أنا ضايع ولا أدري من فراقك أنا ويني ؟؟

مثل طير كسر بعدك جناحه وما قدرت اطير
أحاول ابتسم وأنسى ولكن وش ينسيني ؟

أشوفك في صباحي أنت معنى يا صباح الخير
وأشوفك في مسائي حلم وردي .. لا تصحيني

تصدق !! السهر يرسم عيوني ويتقن التصوير
ويشق النور في صفحة حياتي وما ألاقيني

أنام شلون ومشكلتي عجزت ألقالها تدبير
طلبت النوم .. لحظاته وعيا النوم يعطيني

تغير وجهي .. من أول غيابك وابتدى التأثير
يا غالي من التعب كافي خذيت اللي يكفيني

يا أغلى من رحل عني يا كل الحب والتقدير
تعال إن كان لي عندك معزه وكان تغليني

تعال إن كنت تعشقني واذا فعلا تبيلي خير
تعال ومدلي كف الوصل وأمد كفيني

إذا كان الجفا واجب بدى من قلبي التقصير
أبيك الحين ترجع لي ولا ترجع تخليني

أنا اقول اللي صار فيني ما هقيته يصير
لأني كنت متأكد بأن البعد ينهيني .....؟

رسالة بجوالي من سنتين .. لها تأثير علي كبير .. حبيت انقلها لكم

مشكووووور الشامخ
من جد جيت عالجرح
كلمت جدا رائعه ومعبره
دووودوووو

مشكورة على مرورك عزيزتي

صدق صدق صدق القصيده تهز جبال مو بس تهز القلب

يسلمو على النقله المميزه

تحياتي لك

خووخه

الله يهداك بس عورت قلبي الرهيف مسيكين يا قليبي << هههههههه رايقه صح
بس من جد جبتها على الجرح
يعطيك الف عافيه ابونا

وااااااااااااااااو كلمات اكثر من رااااااااائعه

بصراحه كل بيت اجمل من الثاني

يعطيكي العافيه

» تدري وش اللي يتعب البنت ياسعوووود