تسهيل الشغل في رمضان / متجدد شاركينا

**السلام عليكم ورحمة الله وبركاته**

اكيد كلكم عارفين ان رمضان مابقى عليه الا ايام معدودة
وجايتنا الحوسة في المطبخ والتنظيف وتجهيز الاكل
هذا غير طلبات العيال وابو العيال

نبي كل وحدة فيكم تقوللنا بعض الطرق اللي تسهل عليها الشغل في المطبخ في رمضان

طيب انا ببدأ بنفسي:

اتخلص من كل المواعين التالفة وارميها

&&&&&&&&&

افرغ واحد من الدواليب واحط فيه المواعين اللي استخدامهم بشكل يومي
مثل: اواني الشوربة وصحون الحلى وكاسات الشراب اليومية
كذا يصير اسهل عليك بكثير

&&&&&&&&&

اذا ماعندك ساعة بالمطبخ ضروري تجيبين وحدة

&&&&&&&&&

اول ما اشتري اللحم المفروم اشيل قسم منه واسوي خلطة الكباب كاااااملة واعمله اصابع واثلجه
وقبل القلي اطلعه من الفريزر قبل بساعة واقليه بكل سهولة

وقسم من اللحم احمسه مع شوية بهارات وبصل واثلجه وهذا له استخدامات كثيييييييييره في رمضان
مايحتاج اقولها

&&&&&&&&

اعصر كمية من الليمون تكفي لعدة ايام لاختصار الوقت
طبعا للشوربة وعصير الفيمتو والسلطة ..........الخ

&&&&&&&&

اجمع قناني الموية واحط فيهم لبن وفيمتو وشراب قمر الدين واي مشروب انتو تحبونه
ويظلون في الثلاجة لحين حاجتهم لاتخافين ماتخرب>>>>>>>هذي الطريقة جدا عملية

&&&&&&&&

احاول اني اخفف من الموجودات الغير مهمة او عندي كثير منها
في الفريزر حتى يصير في مكان للاكلات اللي بثلجها في رمضان

بما ان مطبخي صغير حيل اشتريت ادراج بلاستيك كبيرة نفعتني واااااااااااجد وكأنها من ضمن طقم المطبخ

**يالييت كلنا نفيد ونستفيد**

طرق حلوووه خوووخه

ومفيدة راح تفيندي كثير

وانا افضل انه نعمل السبوسة قبل علشان توفير الوقت

وايضا الفطاير نسوي ونثلج

ونسوي افخاذ الدجاج

هاذا قبل الرمضان طبعا

امممممممممم

بالنسبه لموضوعك ياخوخه ممتاز جدا

وحلو انك تذكرين البنات يشدون حيلهم قبل رمضان واثناء رمضان

اما بالنسبه للأخت كل دنياي

انا الآن اكتشفت السر والمشكله اللي براسك
طلع الموضوع كله من مدرسة الإملاء اللي درستك
عز الله اني لو اشوفها الحين اني لا امحطها الييييين ما ارسم خريطه على ظهرها
العن ابليسها ما تعرف تدررس ولا تعرف تطلع طالبات يعرفون يكتبون
كل الأخطاء لغويه وإملائية مافي ولا جمله سنعة

راح تفيندي كثير = راح تفيدني كثير
انه نعمل السبوسة قبل علشان توفير الوقت = الصح : نعمل السمبوسه قبل عشان توفير الوقت
وايضا الفطاير نسوي ونثلج = امحق لغة عربية طيب الكلام حلو أيضا ليه تكتبينها ههههههههه
هاذا قبل الرمضان طبعا= المفروض : هذا قبل رمضان طبعاً
يووه على طاري الرمضان مدري متى يجينا الشوال خخخخخ وش دخل ال التعريف برمضان

امزح معاك يا كل دنياي لا تزعلين هذا كله عشان ما تكلميني على اني بنت

واظن بعد اليوم ماعاد تخاطبيني على اني بنت هع

تحياتي

اولآ السلام عليكم

أأأسف اني انقطعت عنكم وانتم والله دايم على البال بس الظروف فوق كل شي

ثانيأ الموضوع بما انه يخص شهر رمضان احب اقولكم قبل الزحمه كل عام وانتم بألف خير واللهم اجعلنا من صوامه وقوامه

ثالثا تقبلي مروووووري ياخت خووووخه وموضوعك مره جونان بس خاص للنساء

رابعأأ: ابيحوني ((حللوني)) كلكم لاني مادري عن الظروف هل تجربني على فرقاكم والا لا

تحياتي للكل // مــشــ ع ــل

يسلمو خوخهـ ماننحرم منكـ